11 сәуірде ТЖ режимі жарияланған Атбасар ауданында су тасқыны салдарымен күрес жалғасуда.
Су тасқынына қарсы штаб тәулік бойы жұмыс істейді, ал оның басты міндеті — әр қоңырауға жедел жауап беру және отрядтарды сол жерде көмек көрсету үшін бағыттау.
Жергілікті билік органдарының ақпараты бойынша 12 сәуірде аудан әкімі ТЖ жою және залалды бағалау жөніндегі комиссия құрды. Комиссияның жұмысы табиғи апаттан кейін жедел қалпына келтіруге, азаматтарға қажетті көмек көрсетуге және келтірілген шығындар үшін өтемақы беруге бағытталған. Осы уақытқа дейін 78 өтініш қабылданды.
Өз кезегінде тұрғындар қолданылып жатқан шараларға байланысты өз пікірлерін білдіруде. Атбасардың зардап шеккен көшелерінің бірінде тұратын қала тұрғыны Екатерина Матрос атап өткендей, жергілікті билік ТЖ салдарын жою үшін барлық қажетті шараларды қолдануда және зардап шеккендерге жедел көмек көрсету жұмыстарын жүргізуде.
Бүгін таңертең Атбасар ауданының әкімі Аманбек Қалжанов мемлекеттік мекемелердің, ұйымдар мен кәсіпорындардың басшыларымен жедел кеңес өткізді, онда атаулы көмек төлеу үшін нақты тізім жедел қалыптастырылуы тиіс екенін атап өтті.
Естеріңізге сала кетейік, су тасқыны кезінде Атбасарда 19 көшені су басқан, 100-ден астам адам эвакуацияланған.
Дереккөз: www.gov.kz
