Ақмола облысы ішкі саясат басқармасының жастар-ресурстық орталығы тамыз айының 3-інен 12-сі күндері аралығында Халықаралық Жастар күнін мерекелеу шараларын жүзеге асыруда.
Ол республикалық онкүндік ұлттық күнтізбесі аясында өтеді. Өткен жексенбі күні жастардың өзін-өзі дамуын ынталандыру мақсатында әскери-техникалық мектепте орталықтың әлеуметтанушы-психологы Үмітжан Құсмаған өмірлік маңызы бар дағдылар бойынша тренинг өткізді.Аталмыш тренингке 80-ге жуық адам, атап айтқанда, әскер жасындағы жастар қатысты. Әр қатысушы мол әсер алып, қызығушылық танытты.
–Топпен жұмыс жасауға, өз дағдыларын дамытуға септігін тигізетін тренинг қатысушыларға пайдалы болды деген сенімдемін, – дейді өз сөзінде Үмітжан Құсмаған.
Алдағы Жастар күнін мерекелеу осы сияқты басқа да маңызды шаралармен өз жалғасын табады.
«Арқа ажарының»өз ақпараты.
