Мемлекет басшысының тапсырмасына орай,Свободный және Ақсай ауылдарында«Ауылдық денсаулық сақтауды жаңғырту» ұлттық жобасы аясында дәрігерлік амбулаториялар құрылысы жүргізілуде.
Бұл медициналық нысандардысалудағы негізгі мақсат ауыл тұрғындарын алғашқы медициналық-санитарлық көмекпен қамтамасыз ету, сондай-ақ,аурудың асқынуының алдын алу үшін профилактикалық тексерулердің, скринингтердің, медициналық көмектің басқа да түрлерін көрсетудің қолжетімділігін арттыру болып табылады.
Бұл ауылдарда тұрғындарға медициналық қызмет қолайсыз ғимараттарда көрсетіліп келеді. Ал, жаңа амбулаториялар іске қосылғанда, күніне 45 адамға дейін қабылдайтын болады.
– Жаңа дәрігерлік амбулаториялардың әрқайсысында бір жалпы практика дәрігері және үш медбике болады. Свободный ауылында салынып жатқан нысанның құны 320,3 миллион теңгені құраса, Ақсай ауылындағы амбулаторияға 325,9 миллион теңге бөлініп отыр. Қаржыландыру республикалық бюджеттен «Ауылдық денсаулық сақтауды жаңғырту» бағдарламасы аясында жүзеге асырылады, – дейді аудандық аурухананың бас дәрігеріАзамат Қожахметов.
Бүгінгі таңда ауданда күндізгі стационарларының жалпы жиынтығы45 орынды құрайтын 7 дәрігерлік амбулатория жұмыс істейді.
Асылай ҚАДЫРҚЫЗЫ.
Есіл ауданы.
