19 қыркүйекте Қазақстан Республикасы Парламенті Мәжілісінің депутаты Юлия Владимировна Кучинская атом электр станциясының құрылысы бойынша түсіндіру жұмыстарын жүргізу үшін Сандықтау ауданына келді.
Алғашқы кездесу «Қазақтелеком» және «Қазпошта» акционерлік қоғамдарының еңбек ұжымдарымен өтті. Юлия Владимировна өз сөзінде, 6 қазанда өтетін референдумға тоқталып, қатысушыларды азаматтық борышын өтеуге, атом электр стансасының құрылысына қатысты пікірін айтуға шақырды. Ол біздің елде атом электр станцияларын салу қажеттілігі туралы жан-жақты баяндап берді.
