Мәселенің мәнісі
Бүгінгі Қазақстанда талқылап жатқан үлкен мәселелердің бірі – сағат белдеуіне қатысты сұрақтар болып отыр, осының төңірегіндегі мәселелер көптен қозғалып жүр. Былтырғы 1 наурыздан бастап, біздің Қазақстан территориясында бір сағаттық белдеу бойынша жұмыс істеп жатырмыз. Бұл УТС +5 деген белдеу, бұл белдеу дүниежүзілік 24 сағатқа бөлінетін, бөліп қараған кезде 67 ̊ — 87 ̊ арасын алып жатқан сағат белдеуі. Қазіргі Қазақстан территориясынан өтіп жатқан бұл белдеуде 76 %-тен астам Қазақстан халқы тұрады екен. Сондықтан, бұл өте қолайлы деп есептеймін. Жалпы халықтың көпшілігі осы сағатты пайдаланады.
Енді бұл жерде әртүрлі сұрақтар туындап жатыр. Адам денсаулығына, тағы басқа нәрселерге зиян тиіп жатыр, көп жарық жағып жатырмыз деген сияқты. Бұл мәселелер жөнінен ғалымдар, жергілікті мамандардың айтуына қарағанда, соңғы сағат өзгергеннен бері қарай ешқандай адам денсаулығына да зиян келмегендігі, электр энергиясын пайдаланудың ешқандай артпағандығы айтылып отыр. Сондықтан, қазіргі таңда бұл сағаттың тиімділігі экономикалық жағынан өте тиімді. Жұмыс уақыты Қазақстан бойынша бір уақытта басталып, бір уақытта аяқталады. Сонымен қатар банк жүйесіндегі операциялар да солай. Көлік қарым-қатынасы, басқа транспорт түрлерінің жүру, келу уақыттары бір сағатқа бекітілгені қолайлы, яғни, бұрынғыдай адамдардың ұшаққа немесе поезға кешігіп қалулары болмайды деп есептеймін. Сондықтан бір сағаттық белдеуді Қазақстанда қолдануға толық болады, бұл әрі дұрыс.
Арман Жұмағазиев,
Х. Досмұхамедов атындағы Атырау университеті
география және туризм факультетінің аға оқытушысы.
