Әділет органдарының қызметіндегі басым бағыттардың бірі заңды тұлғаларды мемлекеттік тіркеу салаларында мемлекеттік саясатты іске асыру болып табылады.
Соңғы жылдары заңды тұлғаларды мемлекеттік тіркеу саласындағы заңнаманы жетілдіру осы жұмыстың тәртібі мен шарттарын жеңілдетуге ықпал етті.
Заңды тұлғаларды тіркеу саласындағы әділет органдары электрондық нысанда іске асырылатын мемлекеттік қызметтердің 7 түрін көрсетеді. Сондай-ақ, мемлекеттік қызметтерді тек онлайн ғана емес, халыққа қызмет көрсету орталықтары арқылы да пайдалануға болады. Электрондық нысандағы мемлекеттік қызметтер «электрондық үкімет» веб-порталы, сондай-ақ, өзге де ақпараттандыру объектілері – «eGov mobile» мобильдік қосымшасы, «УправДом» қосымшасы және тағы басқалары арқылы ұсынылады. Бұл ретте, іске асырылған электрондық қызметтердің бар болуы бір мәселе, басқа мәселе – олардың қызметтерінің тұтынушылар арасында танымалдығы, яғни, халықтың және бизнес субъектілерінің электрондық қызметтерді алудағы белсенділігі.
Электрондық қызметтерді тұтынушылар санының өсуі, оларды алу кезінде қолда бар елеулі артықшылықтарға байланысты болып келеді. Онлайн режимінде электрондық қызметтерді кеңседен немесе пәтерден шықпай-ақ тәуліктің кез келген ыңғайлы уақытында алуға болады. Оларды кезекте тұрусыз алу жылдамдығы, электрондық өтінішті толтыру кезінде дәлсіздікті жедел және дербес түзету және тағы басқа мәселелер бүгінгі таңда өте өзекті.
Жоғарыда көрсетілген артықшылықтардан басқа, «электрондық үкімет» веб-порталы арқылы заңды тұлғаның басшысын ауыстыру мүмкіндігі бар. Сондай-ақ, ірі кәсіпкерлік субъектілерін тіркеу автоматтандырылды. Орналасқан жерін, қызмет түрін өзгерту, жарғылық капиталды ұлғайту және басқа да «электрондық үкімет» порталы арқылы хабарлама жасау тәртібі енгізілді.
Азаматтарға ыңғайлы болу үшін бір жұмыс күні мерзімімен заңды тұлғалардың атауын өзектендіру (түзету) бойынша жаңа мемлекеттік қызмет енгізілді. Сонымен қатар, «электрондық үкімет» порталында заңды тұлға туралы ақпарат алуды көздей және қажетті мәліметтерді таңдап, өзінің ЭЦҚ-сын пайдалану арқылы сұрау салу жолдай отырып, «Заңды тұлғалар» мемлекеттік деректер қорынан анықтамалар беру» қызметі Мемлекеттік көрсетілетін қызметтер тізілімінен алынып тасталды.
Коммерциялық емес ұйымдарды «электрондық үкімет» веб-порталы, сондай-ақ, саяси партиялар мен діни бірлестіктерді қоспағанда, өзге де ақпараттандыру объектілері арқылы электрондық форматта тіркеу енгізілді. Бұл механизм қағаз құжаттарды «Азаматтарға арналған үкімет» мемлекеттік корпорациясы» КЕАҚ арқылы тапсыруды болдырмауға мүмкіндік береді.
Осылайша, мемлекеттік қызметтерді жетілдіру, заңды тұлғаларды тіркеу саласындағы тиісті жұмыстар тұрақты негізде жүргізіліп келеді.
Тілеген ӘУБӘКІР,
Ақмола облысы бойынша әділет департаменті коммерциялық емес ұйымдарды
тіркеу және тіркеу қызметі саласындағы бақылау бөлімінің басшысы.
