Қосшы қаласында қауіпсіздікті және тұрғындардың ыңғайлы жол қозғалысын қамтамасыз ету мақсатында қар тазалау жұмыстары тәулік бойы екі ауысыммен ұйымдастырылуда.
Күн сайын арнайы жүк көліктері шамамен 1500 текше метрден астам қар тасымалдайды. Бұл жұмыстарға 40-тан астам жұмысшы мен 40-қа жуық арнайы техника жұмылдырылған.
Депутаттар, жастар мен қоғам белсенділері түнгі ауысымда жұмыс істеп жатқан жұмысшыларға ыстық бауырсақ пен шәй ұсынуды әдетке айналдырған.
Бұл қалада қар тазалау жұмыстарына «Астана СпецТехНС KZ» және «Элит Строй Комплект» компаниялары жауапты. Соған сай, олар ең алдымен, негізгі көшелерді, әлеуметтік маңызы бар нысандарды, жаяу жүргіншілер жолдарын және көпқабатты үйлердің аумақтарын қардан тазартуда.
Ақмола облысы әкімінің баспасөз қызметі.
