2025 жыл – жұмысшы мамандықтар жылы болғандықтан, жұмысшы мамандықтардың имимджін көтеру мақсатында, облыстық жастар-ресурстық орталығының бастамасымен қаламыздағы ірі кәсіпорындарда қызмет етіп жүрген жұмысшы жастармен кездесулер өткізуде.
Осыған орай, Ақмола облысы ішкі саясат басқармасының «Жастар-ресурстық орталығы» МКМ, «Көкшетау минералды сулары» АҚ базасында жұмысшыларымен кездесу өткізді.
«Көкшетау минералды сулары» АҚ – бұл Тұран, Құлагер-Арасан брендтерімен минералды су, сондай-ақ алкогольсіз және алкогольдік сусындар шығаратын қазақстандық компания. Бұл компания — Қазақстандағы тамақ өнеркәсібінің көшбасшыларының бірі. Компания 1991 жылы 22 мамырда құрылды. Бұл компанияның мақсаты Қазақстанның солтүстігіндегі гиломатериалдық ресурстарды зерттеу және пайдалану болды.
Аталған шараға, «Көкшетау минералды сулары» АҚ кәсіпорнының директордың орынбасары – Валитов Дмитрий Бариевич, Ақмола облысы Жастар-ресурстық орталығының басшысы – Ермеков Дастан Амангелдіұлы, Халықаралық «Aqmola Hub» IT-стартап технопаркінің өңірлік менеджері – Диан Мұратұлы Айбашпанов, «Көкшетау минералды сулары» АҚ кәсіпорнының әкімшілік-шаруашылық бөлімінің бастығы – Үсен Қабиден Жамбылұлы, ұйымдастырушылар және «Көкшетау минералды сулары» кәсіпорнының қызметкерлері қатысты. Кәсіпорын директорының орынбасары Дмитрий Валитов алдағы уақытта бірлесіп жұмыс жасауға, бос жұмыс орындар жәрмеңкесіне қатысуға әрқашан ашық екенін айтты.
Шара барысында, облыстық ЖРО басшысы Дастан Ермеков жастарға арналған бағдарламалар мен жобалар бойынша сөз қозғап, жастарға таныстыра кетіп, алдағы уақытта ЖРО-мен тығыз байланыста болуға шақырды. Атап айтсақ, спорттық, ұлттық, зияткерлік ойындарға қатысуға, жалпы ЖРО-ның өткізетін іс-шараларына мүмкіндігінше белсене қатысу бойынша сөз етілді.
«Биылғы жылы жұмысшы мамандықтар жылы болып жарияланғаны қуантарлық жағдай. Себебі жұмысшы мамандық әрқашан керек мамандықтар. Қазіргі таңда Үкімет тарапынан жастар арасында түрлі қолдаулар көрсетіліп жатыр. Мысалға өз жеке кәсібін ашу, ипотекалық тұрғын үй мәселесі бойынша жеңілдіктерді атап өтуге болады. Кеңес одағы кезінде дәл бүгінгі күнгі мүмкіндіктер болған жоқ. Бірақ сонда да кезінде қарапайым жұмысшы болып орналасып, қазіргі кезде Дмитрий Бариевич сияқты кәсіпорын директорының орынбасарына дейінгі мансаптық өсу әрбір жастың қолында. Бұл дегеніміз – адал еңбектің нәтижесі десек те болады» — дейді өз сөзінде аталмыш кәсіпорынның әкімшілік-шаруашылық бөлімінің бастығы – Үсен Қабиден.
Шара барысында «Көкшетау минералды сулары» АҚ кәсіпорнының жетістігі мен тәжірбиесі бар жұмысшы мамандықтағы жастарды өңірлік ішкі саясат басқарма басшысы атынан алғыс хаттармен марапатталды.
Ізгі құрметпен, Ақмола облысы Ішкі саясат басқармасы
Ақмола облысы жастар-ресурстық орталығының баспасөз қызметі
(Балабеков Жеңіс байл.тел.50-72-69)
