Денсаулық
Мемлекет басшысының әлеуметтік инфрақұрылымды дамыту жөніндегі тапсырмасы аясында Пятигорск ауылында жаңа дәрігерлік амбулаторияның құрылысы іске асырылуда.
Ауыл тұрғындарының алғашқы медициналық көмекке қолжетімділігін арттыруды көздейтін жаңа амбулатория 1800-ге жуық адамға, оның ішінде жақын маңдағы алты ауылдың тұрғындарына қызмет көрсетуге арналған. Медициналық мекеменің бір ауысымда 25-30 пациентті қабылдауға мүмкіндігі бар. Сондай-ақ, мұнда 5 төсек-орындық күндізгі стационар жұмыс істейтін болады. Қазіргі уақытта ғимараттың іргетасы қаланып, қабырғалары көтеріліп қалды.
Құрылысты осы 2025 жылдың бірінші жартыжылдығында аяқтау жоспарланған. Бұған Қазақстан Республикасы Үкіметінің шешімімен Ақмола облысының бірқатар өңірлерінде жаңа фельдшерлік-акушерлік пункттер мен дәрігерлік амбулаториялардың құрылысын аяқтауға мемлекеттік қордан 1,7 миллиард теңге қаржы бөлінгені де өз септігін тигізбекші.
«Арқа ажарының» өз ақпараты.
Жарқайың ауданы.
2 Total Views , 1 Views Today
