Шаңғы
18-25 наурыз аралығында Щучинск қаласындағы Олимпиадалық дайындық орталығында Қазақстан Республикасының VI Қысқы Спартакиадасы аясында шаңғы жарыстары өтті.
Төрт жылда бір рет өткізілетін бұл жарыс еліміздің барлық аймақтарынан келген спортшылар үшін үлкен сынақ алаңына айналды.
Ақмола облысының құрамасы жоғары нәтижелер көрсетіп, 15 медаль жеңіп алды. 10 алтын, 2 күміс және 3 қола команданың жалпы есепте бірінші орын алуына мүмкіндік беріп, жерлестеріміздің жоғары дайындық деңгейін, жаттықтырушылар құрамының кәсібилігін және командалық рухын айғақтады.
Екінші орын Қостанай облысының командасына бұйырды, олар 1 алтын және 4 күміс медальға ие болды. Үшінші орынға көтерілген Абай облысының спортшылары 3 күміс және 1 қола медаль жеңіп алды.
Осы ретте, Ақмола облысының спортшысы Надежда Степашкинаның жетістігі ерекше назар аударуға тұрарлық. Ол өзі қатысқан барлық жарыстарда жеңіске жетіп, жеке қоржынын 5 алтын медальмен толықтырды.
Алда биатлон жарыстары, ол 3 сәуірге дейін жалғасады.
«Арқа ажарының» өз ақпараты.
2 Total Views , 1 Views Today
