Қазақстан Республикасы Экология және табиғи ресурстар министрлігі «Таза Қазақстан» ауқымды акциясы аясында жергілікті мекеннің экологиялық мәселелері туралы өтінімдер берудің жаңа сервисін әзірледі. Ол @TazaQazBot ыңғайлы телеграм-чат-боты арқылы іске асырылды.
Бұл елдің қоршаған орта мен табиғатқа қамқор әрбір тұрғынына проблемалық жерлерді бірден суретке түсіруге немесе галереядан суреттерді жүктеуге, орналасқан жерін көрсетуге және мәселені егжей-тегжейлі сипаттауға мүмкіндік береді.
Өтінім түріндегі барлық ақпарат операторға жергілікті атқарушы органнан келіп түседі, ол оны жүктейді және орындаушыны тағайындайды.
Сонымен қатар, тұрғындар жолдардың, саябақтар мен кіреберістердің, жарықтандыру мен абаттандырудың, қоғамдық және жеке аумақтардың санитарлық жағдайына қатысты көптеген мәселелер туралы хабарлай алады.
Өтінім санатына байланысты орындаушы тапсырманы орындауы тиіс болатын уақыт автоматты түрде белгіленеді. Жұмыс аяқталғаннан кейін орындаушы фотосуретті жариялап, қажет болған жағдайда түсініктеме береді. Кері байланыс ретінде пайдаланушылар орындаушыны тағайындау және жұмысты аяқтау туралы хабарламаларды тікелей Телеграм-ботта алады. Өтінімді орындағаннан кейін олар орындалған жұмыстың сапасын бағалап, барлық өтінімдерін қарай алады.
«Таза Қазақстан» сервисі әрбір азаматқа тазалық пен тәртіпті сақтауға белсенді қатысуға мүмкіндік бере отырып, еліміздегі халықтың өмір сүру сапасын жақсартуға бағытталған. Бірлескен күш-жігердің арқасында біздің кең-байтақ еліміздің әрбір елді мекені таза әрі экологиялық жағынан қауіпсіз бола түседі деген сенім бар.
«Арқа ажарының» өз ақпараты.
2 Total Views , 1 Views Today
