Биыл Жер кодексінің жекелеген нормаларына мораторий қолдану алынып тасталды. Қазақстан Республикасының Президенті Қ.К.Тоқаев ел Үкіметінің кеңейтілген отырысында мораторийдің аяқталуына байланысты жер комиссиясының жұмысын қайта жандандыруды тапсырды.
Отырыстың жұмыс қорытындысы бойынша барлық ұсыныстар тиісті түрде қаралып, олар бойынша бірауыздан шешім қабылдануы тиіс.
Үкіметке жер кодексіне осы жылдың қараша айына дейін түзетулер енгізуді қамтамасыз ету тапсырылды.
2020 жылғы 1 қыркүйекте Қазақстан Республикасының Президенті Қ.К.Тоқаев халыққа Жолдауында «Жер шетелдіктерге сатылмайды және біз бұл мәселеге қайта оралмаймыз» деп сендірді. Алайда, оның айтуынша, агроөнеркәсіптік кешенге инвестицияларды тарта отырып, «Үкімет ауыл шаруашылық жерлерін экономикалық айналымда толығымен пайдалануы керек» Президенттің пікірінше бұл «аудай қажет».
ҚР Үкіметінің кеңейтілген отырысында сөйлеген сөзінде ҚазақстанРеспубликасының Президенті Қ.К.Тоқаев жайылым проблемасына жеке тоқталды. Президенттің пікірінше, бұл жерлер ең алдымен ауыл тұрғындарына қол жетімді болуы керек. Оларды ауыл тұрғындарының пайдасына беру керек, өйткені, оларға мал жаю үшін жер қажет. Ауыл тұрғындары экономика, өңірлік даму және тең құқықтарды қамтамасыз ету мәселелерін шешу үшін жақсартулар мен серпін күтеді.
Мемлекет басшысының тапсырмасы бойынша агроөнеркәсіптік кешен саласында ұлттық жоба әзірленуде. Ел Президентінің айтуынша, бұл мәселелер таяудағы бес жылда шешілуі тиіс.
Ел Үкіметіне Бас прокуратурамен бірлесіп, ағымдағы жылдың соңына дейін осындай жайылымдарды қайтару тапсырылды.
