Ағымдағы жылдың 8 маусымындағы жағдай бойынша облыста COVID-19 қауіпті індеті 22946 адамнан зертханалық жолмен анықталып, тіркелген. Өткен бір тәулік ішінде коронавирус пандемиясын 59 адамның жұқтырғаны анықталып отыр.
Өңірімізде бүгінге дейін тіркелген 22946 жағдайдың 16392-сі симптомды болса, 6554-і қауіпті вирусты тасымалдаушылар.
Облыс бойынша ересектер арасында тіркелген 20422 жағдайдың 2524-і 14 жасқа дейінгі балаларда кездесіп отыр.
Ағымдағы жылы қауіпті індетпен ауырғандар саны 15699-ға жетсе, маусым айының алғашқы он күндігінде 571 адам індет жұқтырған. Нақтырақ айтсақ, соңғы аптаның ішінде, яғни, 2021 жылдың 2-8 маусым аралығында COVID-19-дан 494 жағдай тіркелді. Өткен аптада 718 адам. Сөйтіп, ауырғандар саны 1,4 есеге төмендегені байқалады.
Соңғы бір тәулікте коронавирустан зертханалық жолмен 59 адамның ауырғаны расталды. Оның 50-і зертханалық жолмен анықталса, тоғыз адам ауруды тасымалдаушылар. Сөйтіп, ауырғандар тәулігіне 0,3 пайызды құрап отыр. Қауіпті індеттің 15-і Аршалы ауданында,тоғызы Бурабай, алтауы Ақкөл, Бұланды, Целиноградта, ал, Көкшетау қаласы мен Атбасар және Шортанды аудандарында төрт адамнан болса, Ерейментауда үшеу, Степногорск қаласы мен Сандықтау, Зеренді, Біржан сал аудандарында бір-бірден тіркеліп отыр.
Ал, осы пандемиядан мектеп оқушылары арасында соңғы бір тәулікте аурудың тағы жеті жағдайы тіркелді. Нақтырақ айтсақ, Аршалы ауданында төрт жағдай анықталса, Бұланды, Ақкөл, Шортанды аудандарында бір-бір адамнан қосылған. Олардың бәрі де онлайн режимде тіркелген. Жалпы, қауіпті індеттің мектеп оқушыларының арасында 472-сі Көкшетау қаласының үлесіне тиеді. Ал, Степногорск қаласында 76, Бурабай ауданында 170, Зерендіде 51, Сандықтау ауданында 48 жағдай зертханалық жолмен расталды.
Асылай ҚАДЫРҚЫЗЫ,
«Арқа ажарының» өз тілшісі.
