Қазір нағыз қауын, қарбыздың маусымы. Кәдімгі дәмі тіл үйіретін қауынның жұмсақ іш жүргізетін әсері бар екені анықталған. Сондықтан, оны қай кезде жеген дұрыс екенін білгеніміз жөн.
«Қауын – калориясы төмен болғанына қарамастан, қорытылуы қиын өнім. 100 грамм өнімде шамамен 35 килокалория болады. Қауынды аш қарынға немесе басқа тағаммен, соның ішінде жеміс-жидекпен қосып жеуге болмайды – бұл газ немесе диарея тудыруы мүмкін», – дейді диетолог Ольга Кораблева.
Дәрігердің айтуынша, ең жақсы нұсқа – тамақтанғаннан кейін бір сағаттан соң жеген дұрыс екен. Қауынның жұмсақ іш жүргізуші қасиеті болғандықтан, оны ішектің жұмысында қандай да бір төмен көрсеткіштер болған жағдайда тұтынудың қажеті жоқ екен. Өйткені, өнім бұл проблемаларды ушықтыруы мүмкін, – деп ескертті маман.
Диетологтың айтуынша, егер гастрит, жедел панкреатит (ұйқы безінің қабынуы), холецистит (өт қабының қабынуы), асқазан жарасы өршуі байқалса, онда қауыннан бас тарқаныңыз жөн. Денсаулықты ойласаңыз, қауынды қай кезде жеуге болатынын да білгеніңіз абзал.
Асылай ҚАДЫРҚЫЗЫ.
