Ағымдағы жылдың 16 қыркүйегінде «Көкшетау» мәдениет сарайының қабырғасында «Халық заңгері» жалпыұлттық әлеуметтік-маңызды акциясы өтті.
Еліміздің барлық ірі қалаларында бір уақытта іске асырылатын жобаның мақсаты азаматтарға, әсіресе халықтың осал топтарына құқықтық сауаттылықты арттыру және тегін заң көмегін көрсету болып табылады. Бұдан басқа, акцияның қорытындылары бойынша қоғамның одан әрі ден қою шараларын түзету үшін өзара іс-қимылының проблемалық аймақтары айқындалады.
Акция барысында өңірдің кез келген тұрғыны мен қонағы заң саласының өкілдерінен де, мемлекеттік органдардың басшыларынан да тегін және толық көлемде қажетті көмек пен кеңес ала алды.
Азаматтар түрлі мәселелер бойынша жүгінді, атап айтқанда, азаматтық және қылмыстық істер, тұрғын үй-коммуналдық, жер, салық, кеден, неке және отбасы, зейнетақы заңнамасы.
20 жоғары кәсіби адвокаттар, заң кеңесшілері, нотариустар, сот орындаушылары және мемлекеттік органдардың 20 басшы тұлғалары құқықтық кеңестер берді мен азаматтарды қабылдады.
Іс-шарада сөз сөйлеу барысында облыстың Сыбайлас жемқорлыққа қарсы қызметінің басшысы Арман Рахимов сарапшыларға ынтымақтастық және акцияны өткізуге белсенді көмек көрсеткені үшін алғысын білдіре отырып, «Халық үніне құлақ асатын мемлекет» идеясын табысты іске асыру шеңберінде мемлекеттік органдар мен қоғамның сындарлы диалогын орнату, азаматтардың қажеттіліктерін сапалы орындау маңызды екенін атап өтті. Сондай-ақ, ол акцияға қатысушыларды азаматтардың құқықтық мәдениетін арттыру және өңірдегі сыбайлас жемқорлық деңгейін төмендету шеңберінде одан әрі тығыз өзара іс-қимылды жалғастыруға шақырды.
Айта кетейік, «Халық заңгері» акциясы жыл сайын өткен болатын. Осы уақыт ішінде ол халық арасында өзінің қажеттілігін көрсетті. Тек 2016 жылдан бастап жүгінген жүз мыңнан астам азаматқа тегін заң көмегі көрсетілді, олардың сұрақтарына жеті мыңнан астам заңгерлер мен мемлекеттік органдар басшылары жауап берді.
Акцияны ҚР Сыбайлас жемқорлыққа қарсы іс-қимыл агенттігі, «Zakon.kz» желілік басылымы, «Параграф» ақпараттық жүйесі, мемлекеттік билік органдары және Қазақстанның үздік заңгерлері мен адвокаттары ұйымдастырды.
