Сандықтау ауданының Балкашино ауылындағы №1 мектептің түлегі Елена Ғабидулина ұлттық киімдер мен әшекейлер тігумен айналысып жүр.
«Қазақтың сәндік-қолданбалы өнері кез келген адамды өзіндік ерекшелігімен және сұлулығымен баурап алды. Мен ұлттық өнерге қатысты екі зерттеу жобасын жаздым. Бірінші жұмысым заманауи бұйымдарда көрпе жасау және бұйым мотивтерін қолдануға арналған. Екінші жобам Сәукеле туралы. Өз жұмысымда осы бас киімнің сұлулығын жеткізуге тырыстым, сәукелені заманауи түрде жасап бас киімдегі бұрыңғы кездің өзіндік ерекшелігін жеткізуге тырыстым. Осы жұмысыммен облыста құрметті үшінші орынға ие болдым», – дейді Елена.
Елена Габидулина бірінші сыныптан бастап оқу үздігі, «Алтын белгі» төс белгісіне үміткер. Ол мектеп оқушыларынан құралған Парламентінің мүшесі, онда Мәдениет министрі қызметін атқарады.
«Менің ұлттық көйлек киген қуыршақтарым көптеген көрмелерге, оның ішінде ауданымыздың көркемөнерпаздарының көрмелеріне қатысып келеді. Мен ұстазым Марина Бальденің жетекшілігімен көркем еңбек сабақтарында тігін дағдыларын үйрендім. Қазақтың сәндік – қолданбалы өнерінің тарихын зерделеу маған бұйымдар жасауға шабыт береді. Бұл менің кішкентай хоббиім, оны әрі қарай жалғастыруды ойлаймын», – дейді болашақ түлек.
Ұстазының сөзінше, Елена-шешендік шеберлігі бар жан-жақты дамыған шығармашылық адам, тартымды сөздер арқылы өз ойлары мен идеяларын жеткізе алады. Ол құрдастарының арасында үлкен беделге ие. Сонымен қатар, ол суретті керемет салады, бұл оған өз ойлары мен идеяларын елестетуге мүмкіндік береді, оларды түсінікті және есте қаларлық етеді.
«Шәкіртім бірнеше рет бейнелеу өнері бойынша аудандық және облыстық байқаулардың жеңімпазы болды. Бірнеше тілді білу оның қабілеттерінің маңызды аспектісі болып табылады, өйткені бұл оған әртүрлі мәдениеттерге есік ашып бүкіл әлемдегі адамдармен қарым-қатынас жасауға мүмкіндік береді. Болашақта ағылшын тілі мұғалімі болуды армандайды», – дейді мақтанышпен мектеп директоры Айнагүл Дулат.
Шынында да, мектепте оқыған жылдары Елена белсенді қатысушы ғана емес, сонымен қатар аудандық және облыстық деңгейдегі түрлі зияткерлік және шығармашылық байқаулардың жүлдегері болды.
