Біржан сал ауданы прокуратурасы жаңа бизнес-идеяларды іске асыруға мемлекеттік гранттар беру кезінде ісін жаңа бастаған кәсіпкерлер үшін талаптарды негізсіз асыра бағалау бөлігінде кәсіпкерлердің құқықтарын бұзу фактілерін анықтады.
Мысалы, қолданыстағы заңнаманы бұза отырып, гранттар беру туралы шарттарда 5 жұмыс күні ішінде жергілікті атқарушы органның талабы бойынша бизнес-идеяларды іске асыру туралы ақпарат пен құжаттарды беру міндеттемелері белгіленген. Алайда, талапта бұл шарт тоқсан сайын ғана көрсетілген.
Қадағалау ақтісі бойынша 6 кәсіпкердің құқықтары қорғалды, шарттарға қосымша келісімдер жасасу арқылы бір лауазымды тұлға тәртіптік жауапкершілікке тартылды.
Ақмола облысының прокуратурасы.
