ƏКІМ – ЕЛ ІШІНДЕ
Ақмола облысының әкімі Марат Ахметжанов Қосшы қаласындағы өңірлік көпбейінді емхананың құрылысымен танысты.
Қазір нысанда «Viamedis Қосшы» ЖШС емханасының құрылысы аяқталуда. Медициналық мекеме келер жылдың қаңтар айының ортасында ашылады. Емхана ғимараты толығымен салынып бітіп, барлық қажетті инфрақұрылым тартылған. Күні бүгін мұнда ішкі әрлеу жұмыстары жүргізіліп, жиһаздар мен заманауи медициналық жабдықтар орнатылуда. Бұл жерде науқастар заманауи медициналық жабдықтардың көмегімен мамандандырылған, жоғары технологиялық, соның ішінде онкологиялық ауруларға да ем ала алады. Сонымен қатар, емханаға ультрадыбыстық аппараттар, позитронды-эмиссиялық, компьютерлік және магнитті-резонанстық томографтар, онкологиялық науқастарды емдеуге арналған желілік үдеткіш, лапароскопиялық және бейнеэндоскопиялық тіректер, ангиографиялық жүйе (биплан), анестезиялық-тыныс алу аппараттары, ересектер мен балалар желдеткіштері сатып алынған.
– Медициналық кешеннің ең заманауи медициналық жабдықтармен жабдықталғаны өте жақсы. Енді білікті мамандарды оқытып, медициналық қызмет көрсету сапасын жақсарту қажет, – деп атап өтті облыс әкімі. – Ең бастысы – адамдарға жайлы жағдай жасау.
Аталған медициналық кешенде еуропалық стандарттар бойынша 350 төсек-орынға арналған көпсалалы аурухана салынуда. Ол келесі жылдың үшінші тоқсанында пайдалануға беріледі.
Көпфункционалды медициналық кешен тіркелген 100 мың науқастардың тәулігіне 1000 келушісін қабылдау мүмкіндігіне ие.
Бірыңғай басқару орталығы бар «ақылды» медициналық кешен Шортанды, Ерейментау, Егіндікөл, Аршалы, Қорғалжын, Целиноград және Астрахан аудандарының тұрғындары үшін қатерлі ісік, хирургия, травматология, терапия және босандыру бейіндері бойынша шұғыл және жоспарлы стационарлық көмек көрсететін болады. Жауапты тұлғалар атап өткендей, Ана мен баланың денсаулығын сақтау процесінде кешенді тәсілді іске асыру мақсатында гинекологиялық және педиатриялық бөлімшелерге ерекше назар аударылатын болады.
Медициналық мекеме аумағында 2026 жылдың үшінші тоқсанынан бастап медициналық мекеменің негізгі қызметкерлері үшін көппәтерлі тұрғын үйлер, қызметке тартылған мамандар мен басқа өңірлерден келген күндізгі стационардың пациенттері үшін пансионат салу көзделген. Сондай-ақ, алыс жолға және ауа райына байланысты әртүрлі қауіптерді болдырмау үшін осы медициналық кешеннің пансионатында алыс аудандардан босануға келетін жүкті әйелдер уақытша тұрады. Жалпы, 1000-нан астам медицина қызметкерін тұрақты жұмыс орындарымен қамтамасыз ету жоспарлануда.
– Қосшы қаласында медициналық қызметті алатын халық біздің емханаға ауысады, ол Қосшының басқа тұрғындарын да тіркеуге қолжетімді болады. Қазіргі уақытта стационардағы құрылыс жұмыстары жалғасуда, нысанды алдағы жылдың маусым айының соңында пайдалануға береміз. Емханадағы жұмыстарға 200-ден астам адам және стационарға 100-ге жуық адам жұмылдырылды. Емхананың барлық қызметкерлерімен жеке кездесулер өткізілді және олар біздің клиникаға жұмысқа орналасатын болады. Қазір біз жетекші онко және кардиохирургтар, акушер-гинекологтар, неонаталдық реаниматологтар тобына қосылуға дайын елдің үздік мамандарын таңдау үстіндеміз. Олар Қосшы тұрғындары мен елордалық өңірлерден келген ауыл тұрғындарына және облыстың жеті ауданының тұрғындарына шұғыл көмек көрсетеді, сондай-ақ, инсульт кезінде және одан кейін де кардиохирургиялық, акушерлік ем көрсетеді, – деді «Viamedis» ЖШС-нің бас директоры Әсет Ахметов.
Вероника Бурда.
Қосшы қаласы.
