Көңілден шыққан кәдесыйлар

Есіл қаласында Қазақстан Республикасы тәуелсіздігінің 25 жылдығына арналған «Менің Қазақстаным» атты сәнді-қолданбалы өнер туындыларының көрмесі өтті.

 

Халқымыздың мәдениетін,  салт-дәстүрін насихаттау мақсатында жасөспірімдердің шығармашылық үйінде ұйымдастырылған шараға жергілікті «Ұлттық қолөнер шеберлігі» мен «Шеберхана» үйірмелерінің жас шеберлері қатысты. Көрмеге ұсынылған шығармашылық жұмыстарда негізінен елімізде бір тудың астында өмір сүріп жатқан әр ұлттың тұрмысы мен мәдениеті бейнеленген. Көрме заттарының көбі киізден жасалған. Басты тақырыбы Қазақстан тәуелсіздігінің 25 жылдығы болғандықтан, еліміздің серпінді дамуын дәріптейтін кәдесыйлар көп болды.
Аслан ОСПАНОВ.
Есіл ауданы.

Пікір қалдыру

Міндетті өрістер таңбаланған Обязательные поля помечены *