Қазақстан халқының басым бөлігі кезектен тыс сайлау өтетіндігі жайында хабардар және олар өз кандидатына дауыс беруге әзір. Бұл туралы бүгін Астанада Демократия институтының директоры Юлия Кучинская мәлім етті.
Атап айтқанда, зерттеу барысында еліміздің барлық өңірлерінде 18 жастан жоғары 2 мың респондент сұралған.
«Егер сауалнама нәтижелеріне тоқталатын болсақ, бүгінде қазақстандықтардың электоралдық ақпараттану деңгейі 92 пайызға жетіп отыр. Яғни, сауалнамаға қатысқандардың дәл осындай көрсеткіші 26 сәуірде Қазақстанда ҚР Президентінің кезектен тыс сайлауы өтетіндігі жайында білетіндігін мәлім етті», – деді сарапшы.
«Сонымен қатар, респонденттерге «сайлау учаскесіне барып, дауыс беруге дайынсыздар ма?» деген сауал қойылды. Осы орайда, сайлауда дауыс беруге олардың 93 пайызы ниет білдірді», – деді ол.
Бұл тұрғыда электоралдық белсенділіктің ең жоғары деңгейі 18-24 жастағалардың арасында, студенттер, бюджет қызметкерлерінің, ауыл тұрғындарының, сондай-ақ, зейнеткерлік жастағы және басқа респонденттердің арасында байқалды. Осы бағытта қалалықтармен салыстырғанда, ауыл тұрғындарының белсенділігі жоғарылау көрінеді.
Аталған институт «Қазақстанның Азаматтық альянсы» ЗТБ тапсырысымен электоралдық кезеңде қазақстандықтардың белсенділігін анықтау бойынша сауалнаманы 2015 жылдың 15-25 наурызы аралығында жүргізген.
