Алматыдағы Ғабит Мүсірепов атындағы қазақ мемлекеттік академиялық балалар мен жасөспірімдер театры ағымдағы жылдың 15-17 сәуірі аралығында Көкшетау қаласына гастрольдік сапармен келіп, театрсүйер қауымға өз өнерлерін ұсынбақшы.
Алпыс жылдан астам тарихы бар өнер ордасының гастрольдік сапар репертуарынан танымал ақын, драматург Иран-Ғайыптың «Естайдың Қорланы» махаббат-намесі, Сайд Ахмадтың «Келіндер көтерілісі» комедиясы, Георгий Хугаевтың тағылымы мол «Қара шекпен» әфсанасы мен балаларға арналған Ө.Боранбаевтың «Ер көжек» ертегісін тамашалай аласыздар.
Қойылымдар Шахмет Құсайынов атындағы облыстық қазақ музыкалық- драма театрында өтеді. Ғабит Мүсірепов атындағы қазақ мемлекеттік академиялық балалар мен жасөспірімдер театрының директоры – Сұлтан Срайлов, көркемдік жетекшісі – Қазақстанның еңбек сіңірген қайраткері, Қазақстан Жастар одағы сыйлығының лауреаты Ерлан Біләлов.
Билеттерді театр кассасынан алуға болады.
«Арқа ажарының» өз ақпараты.
