Кеше облыс әкімі Сергей Кулагин Көкшетау және Ақмола епархиясының Епископы Әулие Серапионмен кездесті.
Кездесу барысында жаңа православтық шіркеудің құрылыс мәселесі сөз болды. Шіркеуді облыс орталығының Горький көшесі бойындағы Достық үйі маңындағы аумаққа салу жоспарлануда.
Жаңа шіркеу салу қажеттілігі көптен бері өз шешімін күткен мәселе. Бүгінгі таңда 320 адамға арналған қаладағы жалғыз шіркеу барлық келушілерді қабылдауға қауқарсыз. Жаңа шіркеу бір мезетте дінге құлшылық ететін 500 адамды қабылдай алатын болады. Табиғаты әсем жерге салынатын шіркеудің айналасының жалпы аумағы 1,71 гектарды құрайды. Әулие Серапион өңір басшысына шіркеудің атауын Христостың құрметіне қоюды ұсынды.
Кездесу барысында облыс әкімі болашақ шіркеу құрылысының сапасы мен мерзіміне көңіл аударды. Ол шіркеуге жақын жатқан аумақты абаттандырып, жасыл желекті баққа айналдыру қажеттігін ескертті.
Облыс әкімінің баспасөз қызметі.
