«Нұр Отан» партиясының облыстық филиалы «Біздің ауыл» жобасы аясында аудан орталығында көшпелі қоғамдық қабылдау ұйымдастырды.
Медициналық және фармацевтикалық қызметті бақылау комитеті мен Еңбек, әлеуметтік қорғау және көші-қон комитетінің Ақмола облысы бойынша департаменттері өкілдерінен, сарапшы мамандардан құрылған топ сан түрлі өтініштерді арқалап келген азаматтарды қабылдады. Бірі зейнеткерлікке шығудың дұрыс жолы, зейнетақы мөлшерін қалай есептеуге болатынын сұраса, кейбір азаматтар елімізде іске асырылып жатқан мемлекеттік бағдарламалар жайлы ақпарат алды.
Бұл сауалдарға Еңбек, әлеуметтік қорғау және көші-қон комитетінің Ақмола облысы бойынша департаменті басшысының орынбасары Ырысты Закирьянова жауап берді. Мерзімі өтіп кетсе де, сатылымда жүрген дәрі-дәрмектер жайлы айтқан ауыл тұрғынының өтініші де назардан тыс қалмайды. Бұл мәселе бойынша Медициналық және фармацевтикалық қызметті бақылау комитеті Ақмола облысы бойынша департаментінің өкілдері тексеру жүргіземіз деп сендірді.
«Арқа ажарының» өз ақпараты.
Сандықтау ауданы.
