«Нұр Отан» партиясы облыстық филиалының қолдауымен облыстық мүгедектер қоғамы мүмкіндігі шектеулі жандарға дастархан жайып, қоғамдық өмірге белсене атсалысқандары үшін Алғыс хаттар мен бағалы сыйлықтар табыс етті.
Шараға облыстық жұмыспен қамтуды және әлеуметтік бағдарламаларды үйлестіру басқармасының және Көкшетау, Степногорск қалалары мен бірқатар аудандардың жұмыспен қамтуды және әлеуметтік бағдарламаларды үйлестіру бөлімдерінің басшылары мен мүмкіндігі шектеулі адамдар қатысты.
Салтанатта «Нұр Отан» партиясы облыстық филиалының кеңесшісі Күләш Кәршалова құттықтау сөз сөйлеп, мүмкіндігі шектеулі адамдарға мемлекет тарапынан көрсетіліп жатқан қолдау жөнінде атап өтті. Өңірдің мүмкіндігі шектеулі азаматтарының мүдделерін қорғап, әрқашан қамқор болып жүретін жандарға алғысын білдірді. Сондай-ақ, мүгедектерді құттықтаған облыстық мүгедектер қоғамының төрағасы Серік Ақымбаев, қалалық және аудандық жұмыспен қамтуды және әлеуметтік бағдарламаларды үйлестіру бөлімдерінің басшылары жүрекжарды тілектерін айтты.
Мүмкіндігі шектеулі адамдарды қолдауға арналған бұл шара өзге ұйымдарға үлгі-өнеге болатынын жеткізді. Облыстық филармонияның бөлім меңгерушісі, Қазақстан Республикасы Мәдениет қайраткері Ғалия Рамазанованың басшылығымен қойылған қайырымдылық концерті қатысушылардың көңілінен шықты.
«Арқа ажарының» өз ақпараты.
