Орталық кітапханада «Білгің келсе қазақты, Абайды біл!» атты тақырыпта ұлы ақынның 170 жылдығына орай, мектеп оқушыларының арасында оқырман конференциясы өткізілді.
Шараға облыс орталығындағы білім ошақтарының мұғалімдері мен оқушылары қатысты. Жиын барысында мектеп оқушылары Абай Құнанбаевтың шығармашылығына тоқталып, өлеңдері мен қара сөздерін оқып берді. Ал, кітапхана қызметкерлері өз тарапынан қонақтарға кітап көрмесін ұйымдастырып, ақынның өмір жолына арналған слайд ұсынды. Конференция соңында белсенділік танытқан қатысушылар мақтау қағаздарымен марапатталды.
Гауһар ТОҚҚОЖИНА,
Көкшетау қалалық орталық кітапханасының кітапханашысы.
