Кеше облыс әкімінің орынбасары Нұрлан Нұркенов ішкі саясат саласында атқарылған жұмыстардың қорытындылары мен ағымдағы жылдың міндеттері сараланған алқа мәжілісіне қатысып, сөз сөйледі.
Жиынға аудан әкімдерінің орынбасарлары мен аудандық ішкі саясат бөлімдерінің басшылары шақырылды. Отырыста облыстық ішкі саясат басқармасының басшысы Айна Мүсірәлімова
баяндама жасады. Сонымен бірге, облыстық жастар саясаты мәселелері басқармасының басшысы Ринат Галлямов, ішкі саясат басқармасының қоғамдық-саяси жағдайды сараптау бөлімінің басшысы Оксана Салахова, ақпараттық саясат бөлімінің басшысы Асылбек Байжұма, бас мамандар Серік Сәдуақасов пен Берік Әшірбеков, еліміздің ақпараттық жүйесінде жұмыс істейтін жауапкершілігі шектеулі «ВВS-ТТ» серіктестігінің директоры Жанна Искакова мен Ақмола медиа орталығының басшысы Жарас Бейсембаев өңірлік бұқаралық ақпарат құралдары мен баспасөз қызметтерінің жұмысы, көкейкесті мәселелері мен оны шешудің жолдары туралы өз ой-пікірлерімен бөлісті.
Алқа мәжілісін қорытындылаған облыс әкімінің орынбасары Нұрлан Нұркенов алда тұрған міндеттерге тоқтала келе, белсенді қызметі үшін Атбасар, Жақсы, Жарқайың аудандарының ішкі саясат бөлімдеріне бағалы сыйлықтардың сертификаттарын табыс етсе, еңбегімен танылған Бұланды, Сандықтау аудандық ішкі саясат бөлімдерінің басшылары Айгүл Жанбатырова мен Майра Мокрашева, Көкшетау қалалық, Еңбекшілдер және Ақкөл аудандық ішкі саясат бөлімдерінің бас мамандары Қайрат Көкішев, Мергүл Аяғанова, Тамара Тұрысхан Алғыс хаттармен марапатталды.
(Алқа мәжілісі туралы толық есепті газетіміздің келесі санынан оқи аласыздар).
