Қазақта «қай жерің ауырса, жаның сол жерде» деген сөз бар. Аурудың жақсысы жоқ десек те, жүрек дерті жазылуы қиын және өте қатерлі сырқаттың бірінен саналады. Менімен де осылай болып, соның біраз тауқыметін тарттым. Ақыры, облыстық аурухананың кардиохирургиялық бөлімшесінің меңгерушісі Нұрлан Сәбитұлы Мінайдаров жүрегіме ота жасап, жанымды қинаған дертімнен құлан-таза айықтым. Сондықтан, жас та болса, шипалы қолымен талайларды ауыр дерттен айықтырып, ажалдан арашалап жүрген Нұрлан бауырыма, әр сырқатқа арнайы ем-дом жасайтын дәрігер Алмас Дәуренбекұлы Закаринге және медбикелерге деген алғысым шексіз.
Әрдайым дендеріңіз сау, халықтың денсаулығы жолында атқарып жүрген қиын да жауапты қызметтеріңіз жемісті болып, көптің ризашылығына бөлене беріңіздер демекпін.
Серікбай қажы АХМЕТОВ.
Қостомар ауылы,
Зеренді ауданы.
