Астрахан ауданының әкімі Талғат Ерсейітов Жалтыр селосының тұрғыны Анна Садоваяны 100 жасқа толуымен құттықтады.
Мерейтой иесі бұрынғы Шучье ауданының Веденовка селосында туған. Жүрек қалауымен қосылған жары, соғыс ардагері Леонид Садовоймен бақытты ғұмыр кешті. Еңбек жолын бұрын аудан орталығы болған Журавлевка селосындағы баспаханада бастады. Комсомол жолдамасымен «Целинсельмаш» мекемесіне жұмысқа жіберілді.
Екі ұл, төрт қыз тәрбиелеп өсірді. Бүгінгі күні 70 жасқа толған үлкен ұлы Юрий Леонидович анасы әрқашан қасында болғандықтан, өзін бейнебір бақытты бала санайтынын айтады. Кыздары осы селода тұрады. Бүгінгі таңда кейуана 12 немере, 19 шөбере және бір неменесін сүйіп отыр. Балалары – мақтанышы. Оларды еңбексүйгіштікке және қайырымды болуға тәрбиеледі. «Балаларымның назары мен қамқорлығының арқасында ұзақ ғұмыр сүрдім», – дейді мерейтой иесі.
Лидия ЧЕРНЕГА.
Астрахан ауданы.
