Облыс орталығындағы «НовоПЭК» жауапкершілігі шектеулі серіктестігінің тігін цехында полиэтиллен қаптардың бірнеше түрін көруге болады. Фабрика айына он миллионнан астам беріктілігі жоғары қаптар мен жүз мыңға жуық «Биг-бег» контейнерлерін шығарады. Өнім Қазақстаннан басқа ТМД елдері, Қытай және өзге де шетелдерде үлкен сұранысқа ие.
Өнімнің 40 пайызы алыс-жақын шетелдерге экспортталады. Бүгінгі күні кәсіпорында 800-ге жуық біліктілігі жоғары маман еңбек етуде. Тәжірибелі тігіншілер арнайы тапсырыс бойынша жұмыс істейді. Солардың бірі – өз ісінің майталман шебері, қап пішуші Мира Шектібаева ұжым мақтанышына айналған. Ол бір ауысымда мыңға жуық қап пішіп, жоспарын асыра орындайды.
Аслан ОСПАНОВ.
Суретті түсірген Берік ЕСКЕНОВ.
