Мемлекет басшысы Нұрсұлтан Назарбаев Қазақстан халқы Ассамблеясынан Парламент Мәжілісіне сайланатын депутаттарға дауыс беру рәсіміне қатысты.
Елбасы сайлауда дауыс берді және байқаушылармен әңгімелесті. Нұрсұлтан Назарбаев Қазақстан халқы Ассамблеясының мүшелерімен кездесті. Әңгіме барысында Мемлекет басшысы бұл институттың бірегейлігін, соның арқасында Қазақстан 20 жыл бойы тыныштық пен татулықта өмір сүріп, өсіп-өркендеп келе жатқанын атап өтті.
«Сайлаушылардың жалпы саны – 446 адам. Сайлау бюллетеньдерін алған сайлаушылардың саны – 372.
Дауыс беруге 372 сайлаушы қатысты. Үміткерлерге берілген дауыстардың саны келесідей: Абдраxманов Сауытбек Абдраxманұлы – 345, Божко Владимир Карпович – 349, Жұмаділдаева Наталья Васильевна – 343, Ким Роман Ухенович – 346, Микаелян Наринэ Гамлетовна – 336, Мурадов Ахмед Сейдарахманович – 339, Нурумов Шаймардан Усаинович – 337, Тимощенко Юрий Евгеньевич – 341, Хахазов Шакир Хусаинович – 342» делінген.
Осылайша алдын ала нәтижелер жарияланды. Негізгі қорытындысын ҚР Орталық сайлау комиссиясы шығарады.
«Арқа ажарының» өз ақпараты.
