Ақмола облыстық мәсли-хатының хатшысы Дулат Нұрмолдин «100 нақты қадам» Ұлт жоспарының 5 институционалдық реформасын түсіндіру мақсатында Шортанды және Бұланды аудандарының депутаттық корпусымен кездесті.
Облыстық мәслихаттың хатшысы депутаттардың сайлаушылармен жұмысын-дағы негізгі басым бағыттар туралы, сайлау-алды бағдарламаларындағы халық алдында берген уәделерді орындау қажеттігі жайында баяндап, осы мәселеге байланысты туындайтын міндеттерге назар аударды.
Сондай-ақ, Мемлекет басшысының Жолдауларында алға қойылған міндеттерді орындауда жергілікті өзін-өзі басқарудың қосатын үлесіне қатысты мәселе де қамтылып, мемлекеттік және жергілікті өзін-өзі басқару саласындағы реформалар барысы тілге тиек етілді. Кездесу барысында облыстық мәслихат хатшысының негізгі назар аударған мәселесі – Жер кодексіне қатысты жайлар болды.
Дулат Нұрмолдин өз сөзінде жерді тиімді және оңтайлы пайдалану жайына тоқталып, жер ресурстарын сақтау және жерге қатысты басқа да мәселелер туралы баяндап берді. Бұл мәселеден депутаттар сырт қалмауы тиіс. Халық қалаулылары тұрғындармен жер заңнамаларына қатысты түсіндіру жұмыстарын белсенді жүргізуі керек.
Облыстық мәслихаттың хатшысы сапар барысында бірқатар өндірістік нысандарда болып, азаматтарды өтініштері бойынша қабылдады.
«Арқа ажарының» өз ақпараты.
