Айналдым ата қоныс Көкшетауым,
Түрленген тотыдайын бақша-бауым.
Асқақтап ел мерейі тұрған шақта,
Жырдан шашу шашайын ойшыл қауым.
Қойнауы құт-шежіре асқар белім,
Шабытымның заңғары тасқан жерім.
Жаратқанның сыйындай неткен ғажап,
Кестелі кең пішілген сексен көлім.
Өткен ізден белгі боп 190 жыл,
Тарихта қалды ғой қаншама сыр.
Хандық құрған ақтангер Абылай мен,
Сал-серілер туғызған Көкшетау бұл.
Ағарту әлемінде қорған болған,
20 жыл құтты болсын, оқу ордам.
Өзіңнен қанаттанып түлеп ұшқан,
Мен дағы бір балаңмын білім алған.
Маздатып ізгіліктің үрлеп шоғын,
Үйретіп адамдықтың оң мен солын.
Сен маған киелісің, алтын ұям,
Табылған өзіңменен бар мен жоғым.
Іштегі жырларымды өзіңе арнап,
Қолыма қалам алдым мен де бүгін.
Жасай бер, құт шаңырақ, білім берген,
Мерекең құтты болсын, алтын ордам!
Айдар ҚОЖАБАЕВ,
Ш.Уәлиханов атындағы Көкшетау мемлекеттік университетінің баспасөз хатшысы.
