Макинск қаласында өткен жылдың желтоқсан айында жаңа мектеп-лицей ғимараты пайдалануға берілген болатын.
Бұл – Қазақстан Республикасының 2011-2020 жылдарға арналған мемлекеттік даму бағдарламасын іске асыру жемісі, аталмыш білім мекемесі жаратылыстану-математикалық бағытта жұмыс істейді.
Болашақта сапалы білім беріп, саналы ұрпақ тәрбиелеу үшін заманауи білім ордасында барлық жағдай жасалған. Пән кабинеттері заман талабына сай жабдықталған. Қазіргі уақытта мектепте 260 оқушы қазақ тілінде білім алуда. Оларға 39 білікті ұстаз сабақ береді. Мектеп-лицейде мектеп жасына дейінгі балаларға арналған шағын орталық бар.
