Мемлекеттік қызмет істері министрлігі Ақмола облысы бойынша департаментінің басшысы, Әдеп жөніндегі кеңестің төрағасы Қуаныш Жапақовтың төрағалығымен тәртіптік кеңестің кезекті отырысы өтті.
Жиында Бурабай ауданының құрылыс бөлімінің басшысы Ерлан Биданов және осы бөлімнің бас маманы Сайран Ақылбаевқа қатысты тәртіптік іс қаралды. Олар мемлекеттік сатып алуды өткізу жөніндегі комиссия құрамында біліктілік талаптарына сәйкес келмейтін қатысушы – «Энергоэкспорт» жауапкершілігі шектеулі серіктестігіне заңға қайшы келетін қолдау көрсетіп, «Мемлекеттік сатып алу» туралы Қазақстан Республикасы заңының талаптарын бұзғаны үшін ескерту алды.
Отырыста облыс әкімінің бірінші орынбасары Қадырхан Отаров әрбір мемлекеттік қызметші өз жұмысына жауапкершілікпен қарауы керектігін баса атап өтті. Шара барысында Шортанды ауданының әкімі Гүлнұр Сәдуақасованың қызметтік тәртіпті нығайту, сыбайлас жемқорлықтың, және қызметтік әдеп нормасын бұзушылық мәселелерін алдын алу бойынша есебі тыңдалды.
Назгүл СӘТБЕКҚЫЗЫ.
