Теміржол вокзалының әр жағында орналасқан «Бота» шағын орталығында «Асыл қариялар» атты мерекелік шара өткізіліп, «Сүйікті атам мен әжем» тақырыбында көрме ұйымдастырылды.
Аталмыш мәдени шара барысында «Аққулар» мен «Жұлдыздар» тобының бүлдіршіндері «Асыл әжем», «Менің әжем» әндерін орындап, ата-әжелерін қуантты. Сондай-ақ, «Аққулар» тобының сүйкімді бүлдіршіндері «Қолшатыр» биін билеп, жиналғандарды өз өнерлеріне тәнті етті. Мерекелік шара соңында балабақша бүлдіршіндері өздері жасаған қолөнер бұйымдарын қарттарға сыйлады. Бүлдіршіндердің өнерлеріне тәнті болған ақсақалдар ақ баталарын беріп, ризашылықтарын білдірді.
Айнаш ЖАКЕНОВА,
орталық тәрбиешісі.
Көкшетау қаласы.
