Қызмет сапасы жақсарып келеді
Бұл орайда біраз игі істер қолға алынып, тұрғындарға қаптаған анықтамалар мен қажеті шамалы қағаздарды жинатып, «есік жағалатпай» сапалы қызмет көрсету мәселесі мықтап қолға алына бастағаны да белгілі. Дегенмен, әлі де болса, шешімі табылмаған жайлар жоқ емес.
Жуырда аудан орталығының Ақмол ауылында «Тұрғындардың мемлекеттік қызмет көрсету сапасына деген қанағаттану деңгейін көтеру» тақырыбында семинар-кеңес болып өтті. Семинарға Қазақстан Республикасы Мемлекеттік қызмет істері агенттігі Ақмола облыстық департаментінің басқарма жетекшісі А.Мұхаметжанов, облыс әкімі аппараты мемлекеттік қызмет көрсетуді сараптау бөлімінің жетекшісі Д.Жұмабек, облыс әкімі аппараты басқару қызметінің жетекшісі Б.Әбутәліпов, Аршалы, Зеренді, Шортанды, Ерейментау аудандарының ауыл әкімдері, мектеп директорлары мен балабақша меңгерушілері қатысты.
Семинар-кеңесте мемлекеттік қызмет көрсетудің өзекті мәселелері, мемлекеттік қызметшілердің Ар-намыс кодексін бұлжытпай орындауы, тұрғындарға қызмет көрсетуді жаңа деңгейге көтеру сынды мәселелер жан-жақты талқыланып, жиналғандар ой бөлісіп, пікір алмасты.
Талғат БАҚТЫБЕКҰЛЫ.
Целиноград ауданы.
