«Еуразия» ойын-сауық кешенінде «Оқжетпес» футбол клубы мен «Болашақ» балалар қоры бірлесіп ұйымдастырған қайырымдылық аукционы көпшілік көңілінен шықты.
Аукционға «Оқжетпес» футбол командасының жанкүйерлері қатысып, онда спортшылардың футболкалары, қақпашының қолғабы, қолтаңбасы, доп және футбол кездесулері күнтізбесі сияқты заттары аукционға шығарылып, он екі лот ойнатылды. Аукцион шарты бойынша затты жоғары баға белгілеген адам алады.
«Болашақ» балалар қорының төрайымы Айгүл Әмірованың айтуынша, мұндай қайырымдылық аукционы «Оқжетпес» футбол командасымен бірге екінші жыл ұйымдастырылып отыр екен. Шара барысында түскен қаржыға денсаулықтары нашар және туберкулез ауруына шалдыққан балаларға жаңа жылдық сыйлықтар алынып, тапсырылады.
Назгүл Пабилова.
Суреттерді түсірген Берік ЕСКЕНОВ.
