Ел тәуелсіздігінің 25 жылдығын атап өтіп жатқан күні, яғни, желтоқсанның 16 жұлдызында Ақмола облысында ақ түйенің қарны жарылып, 26 нәресте дүние есігін ашты.
Бұл күні облыста 13 ер бала мен 13 қыз бала дүниеге келді. Ағымдағы жылдың 20 желтоқсанына дейінгі жағдай бойынша облыста барлығы 11 832 нәресте дүние есігін ашса, оның 6108-і ұл, 5724-і қыз.
Биылғы жылы туған сәбилердің басым көпшілігіне ата-аналары Айару, Нұрислам, Батырхан, Арина, Кәусар, Айкүн, Айсұлтан сияқты есімдерді беріп жатыр. Қазақстан Республикасы Тәуелсіздігінің 25 жылдығында туған сәбилер болашақта осы елдің арқа тұтар азаматтары болады деген үміттеміз. Нәрестелердің бауы берік болсын!
Ақмола облыстық әділет департаментінің баспасөз қызметі.
