Ел тәуелсіздігінің 25 жылдығына арналған салтанатты мәжілісте сөйлеген сөзінде Мемлекет басшысы Н.Назарбаев келесі жылдан бастап зейнетақы 20 пайызға көбейетіні туралы айтқан болатын. Осы орайда, біз зейнетақы төлеу жөніндегі мемлекеттік орталық мамандарымен хабарласқан едік.
Олардың айтуынша, Жаңа жылдың 1 қаңтарынан бастап зейнетақы 9 пайызға, ал, 1 шілдеден бастап 11 пайызға өседі. Сондай-ақ, базалық зейнетақы да көбейтілмекші. Жаңа жылдың қаңтар айынан ол 7 пайызға өссе, шілдеден 13 пайызға көбейеді. Зейнетақы өсімі барлық зейнеткерлерге қатысты.
