Үмбетей жырау атындағы аудандық мәдениет үйінде «Біз – нұрлы болашақ ұрпағымыз» атты маусымашар күлкі кеші өтті.
Оған №4 орта мектебінің «Шала қазақтар», №2 мектеп-лицейінің «Нұр жастар», қазақ орта мектебінің «BMW», агротехникалық колледжінің командасы, Ақсуат ауылының «Ұнамаса қарама», Сілеті ауылының «Патриот жайдарман» және Малтабар ауылының «Көз тимесін» топтары қатысып, өздерінің өткір әзілдерімен көрермен көңілінен шықты.
Өнерпаздар қоғамымызда көрініс берген түйткілді мәселелерді астарлы әзіл-қалжыңмен жеткізді. «Патриот жайдарман» тобы тақырыпқа сай өнер көрсетсе, «Нұр жастар» тобы отансүйгіштік қойылымдарымен ерекшеленді. Сондай-ақ, «Көз тимесін» командасы да көрермендерге көңілді күлкі сыйлады.
Тартысты сайыс додасын қорытындылаған әділқазылар алқасы ойынның өз деңгейінде өткенін айтып, бас жүлдені Сілеті ауылынан келген «Патриот жайдарманы» командасына берді. Ал, екінші орынды агротехникалық колледжінің білім алушылары иеленсе, үшінші орынды №4 орта мектебінің оқушылары місе тұтты. Сонымен қатар, әр команда арасынан Данияр Аманжолов, Дінмұхаммед Ғабдулл-Ғазизов, Гүлсім Нұрекешова, Бақтияр Жәпенов, Нұрлан Жұмықов, Азамат Нағашыбай сияқты өнерпаздар үздік деп танылды.
Гүлдана ҚАНАПИЯНОВА.
Ерейментау ауданы.
