Облысымыздың 50-ден астам полиция қызметкері елордада өтетін «ЭКСПО – 2017» халықаралық мамандандырылған көрмесінде қоғамдық тәртіптің сақталуын қамтамасыз ету үшін елордаға аттанды.
Көрме биылғы жылдың 10-шы мау-сымы мен 10 қыркүйегі аралығында өтетіні белгілі. Еліміздің атын әлемге танытатын айтулы шара барысында әлемнің түкпір-түкпірінен қаншама адам келеді деп күтілуде. Оған қоса, еліміздің әр түпкірінен келетін өз отандастарымыз да аз болмайды. Осы орайда, қоғамдық тәртіпті сақтауға елорданың өз құқық қорғаушыларымен бірге, Қазақстанның барлық аймағынан қосымша күш жұмылдырылатыны барлық елдің тәжірибесінде бар жағдай.
Халықаралық көрме барысында көше тәртібі мен жол қөзғалысы қауіпсіздігін қамтамасыз ететін полиция қызметкерлеріне жүктелер міндет жүгі ауыр әрі оларға қойылатын талап та жоғары. Ең алдымен, үш тілде еркін сөйлей білулері қажет. Облыстық ішкі істер департаментінің бастығы, полиция полковнигі Ержан Сәденовтың Астанаға іріктелген полиция қызметкерлерінің дайындығын өзі көріп, тексергені содан болса керек.
10 мамыр күні ақмолалық полицейлер Астанаға аттанып кетті. Оларға сәт сапар, бәрі жақсы болсын дейміз.
Облыстық ішкі істер департаментінің баспасөз қызметі.
