Міндетті әлеуметтік медициналық сақтандыру жүйесіне төлемдерді қабылдау биылғы жылдың 1 шілдесінен басталады. Осыған орай, «Нұр Отан» партиясының облыстық филиалында Денсаулық сақтау вице-министрі Ләззат Ақтаеваның қатысуымен өткен республикалық бейне-конференция болып өтті.
Енді еліміздің медициналық мекемелері 2018 жылдың қаңтар айынан бастап міндетті әлеуметтік сақтандыру жүйесі бойынша жұмыс істейтін болады. Сол себепті, үстіміздегі жылдың бірінші шілдесінен бастап аталмыш жүйеге төлемдерді қабылдау басталады.
Ол үшін әр адам өзінің әлеуметтік мәртебесін анықтап алуы керек. Себебі, зейнеткерлерге, мектеп оқушыларына, студенттерге, баламен үйде отырған аналар сияқты әлеуметтік жағынан аз қамтылған санатқа жататын 10 миллионға жуық адамға жарнаны мемлекет төлейтін болады. Жалпы, жұмыс берушілер төлейтін ең жоғары жарна мөлшері 5-тен 3 пайызға дейін болса, ал, жеке кәсіпкерлердің жарнасы 7-ден 5 пайызға дейін азайды. Жалпы, барлық санат үшін жарна төмендетілді.
Бейне-конференция аяқталған соң, қала тұрғындарына міндетті әлеуметтік медициналық сақтандыру бойынша қоғамдық қабылдау өткізілді. 11 адам жаңа жүйе жайлы толығырақ білу үшін дәрігерлер мен партия қызметкерлеріне өз сұрақтарын қойып, көңіл тұшынатын жауап алды.
Назгүл РАБИЛОВА.
