Кеше облыстық әкімдікте Атбасар қаласындағы құрылыс және қалпына келтіру жұмыстарының барысы талқыланды.
Облыс әкімі Мәлік Мырзалин басқармалар мен департаменттердің, мердігер ұйымдардың басшыларының қатысуымен өткен жиында құрылыс жұмыстарының барысын тағы бір пысықтады.
Кеңес барысында тұрғын үй құрылысы жұмысының барысын қадағалайтын үш жұмыс тобының есептері тыңдалып, жылу беру маусымына дайындық және Атбасар қаласындағы қалпына келтіру жұмыстары қалай жүріп жатқандығына назар аударды.
Жұмыс топтары жетекшілерінің есептерін тыңдай келе, Мәлік Мырзалин әр күн сайын құрылыс және қалпына келтіру жұмыстарының кестесін өзі қадағалап отыратындығын жауапты тұлғалардың есіне салды.
«Арқа ажарының» өз ақпараты.
