Бүкіләлемдік экономикалық форумның бәсекеге қабілетті жаһандық индексі мемлекеттердің экономикалық дамуына баға жүргізетін халықаралық рейтинг.
Қазақстан Республикасы БЭФБҚЖИ рейтингіне 2006 жылдан бастап енген болатын. Аталған рейтинг 114 индикатордан тұрады. Соның 7-еуі бойынша Қазақстан Республикасының Әділет министрлігі орындаушы және бірлесіп орындаушы болып бекітілген. Еліміздің БЭФБҚЖИ рейтингісін жақсарту мақсатында әділет органдарында әкімшілік кедергіні азайту бағытында нақты жұмыстар жүргізілуде. Соның ішінде заңды тұлғаларды тіркеу қызметіне ерекше назар аударылады.
Жеке кәсіпкерлік субъектілерін мемлекеттік тіркеу, қайта тіркеу, тарату «электронды үкімет» веб-порталы арқылы жүргізіледі. Осылайша кәсіпкер тіркеуші органға келмей-ақ, электронды пошта арқылы толтырылған хабарламаны жолдай алады. Бұл басы артық әурешіліктен құтқарып, тіркеу мерзімін қысқарта түседі. Осының нәтижесінде жеке кәсіпкерлік субъектілерінің электрондық тіркеу мерзімі 1 сағат, ал, «Азаматтарға арналған үкімет» мемлекеттік корпорациясы арқылы 1 күн ішінде тіркеу жүргізілетін болды. Сонымен бірге, тарату мерзімі 10-нан 5 күнге дейін қысқартылды.
Аталған жаңалықтар бизнес ашып, жүргізуге қолайлы жағдайлар туғызып, БЭФБҚЖИ рейтингісінде бәсекеге қабілеттілік қуатын арттырады. Бұл Елбасы Жолдауында айқындалған «Қазақстан-2050» Стратегиясының басымдылықтарының бірі болып табылады.
Облыстық әділет департаментінің
баспасөз қызметі.
