Сандықтау ауылындағы дәрігерлік амбулаторияның тіс дәрігері Надежда Журавлева ұзақ жылдық тәжірибесі бар өз ісінің білікті маманы. Тісі ауырмайтын адам кемде-кем шығар. Сондайда ауыл тұрғындары аудан орталығына барып әуреге түспей, ауылдағы амбулаториядан ем-дом алып, ауруларын емдетіп жатады. Тәжірибелі стоматолог тісті жұлудан бастап, емдеу, қаптау, тіс салу сияқты емдеу шараларын түгел жергілікті жерде жасай береді. Тәнін қинаған дерттеріне ем тапқан сандықтаулықтардың тіс дәрігеріне айтар алғыстары шексіз.
Сандықтау ауданы.
