2019 жылдың 22 наурызы, қасиетті жұма күні менің алты баламның анасы, екеуміз 55 жыл бірге отасқан аяулы бәйбішем Алтынай Боранбайқызы Сыздықова 72 жасқа қараған шағында өмірден озды. Сол бір біз үшін ауыр күндерде мені, отбасымыз бен балаларымызды жұбатып, ауыр қайғымызды бірге аза тұтқан осы өңірдің азаматтары мен азаматшаларына, туған-туыстар мен жолдастарыма, құдандалы-жекжатқа, соның ішінде Ресейдің Омбы, Түмен облыстарынан келген жақындарымызға, балаларымыздың дос-жарандарына, Германиядан телефон соғып, көңіл айтқан достарына, олардың аналарына, Татарстаннан көңіл білдірген көршімізге, Қазақстанның Нұр-Сұлтан, Алматы қалаларынан, Солтүстік Қазақстан облысынан келген туған-туысқандарға, құдаларымызға және барша ағайынға марқұмның жаназа намазында болып, топырақ салып, дұға асына қатысып, қайғымызға ортақтасқандары үшін шын ықыласыммен қариялық ризашылығымды білдіремін.
Сіздерге елімізді көркейту жолында жемісті еңбек етіп, амандық-саулықта, береке-бірлікте отбасыларыңыздың ортасында ұзақ ғұмыр сүруді тілеймін. Қазақ халқының бөлек туса да, қуанышта бірге қуанып, қазаға бірге қайғыратын ізгі дәстүрін ұмытпай сақтап, бірлікпен жалғастыра беруге жазсын деген батамды беремін. Бәріңізге Алланың рахметі жаусын, сауаптан болсын!
Топырақ салып, дұға асында болған барлық жамағат! 2019 жылдың 26 сәуір күні сағат 14.00-де Көкшетаудың Науан хазірет атындағы орталық мешітінде марқұм Алтынай Боранбайқызының 40 күндік дұғасына келіңіздер.
Алғыс пен өтініш иесі: жұбайы Ермек Аминұлы Сыздықов.
