Президенттік жастар кадр резервіне үміткерлерді тіркеу кезеңі аяқталды. Тіркелген 13 мыңнан астам отандастарымыздың 7312-і қажетті құжаттарды жүктеп, белгіленген мерзімде тіркеуді сәтті аяқтады.
Бұл үшін оларға 30 күн берілді. Резервке тек 300 үздік және барынша дайындалған жастар қабылданады. Осылайша бір орынға 24 үміткерден келіп отыр.
Тізімде еліміздің барлық өңірлерінің өкілдерімен қатар, шетелдегі қазақстандықтар да бар. Үміткерлер арасында жастар ұйымдарының көшбасшылары, үкіметтік емес, бизнес және квазимемлекеттік сектор өкілдері, алдыңғы қатарлы шетелдік жоғары оқу орындарының түлектері, «Астана» халықаралық қаржы орталығының қызметкерлері және қатардағы мемлекеттік қызметшілер ұшырасады.
Олардың барлығы вербалды және сандық болып, екі блоктан құралатын іріктеудің екінші кезеңі – тестілеуге қатыса алады. Бұл – қатысушылардың күрделі мәтіндік және сандық ақпаратпен жұмыс істеу қабілетін анықтауға мүмкіндік береді. Тестілер арнайы білімді бағаламайды, сондықтан, теориялық материалдар бойынша алдын ала дайындықты талап етпейді.
Қатысушылар тест және оның тексеруін Pkrezerv.kz онлайн-платформасы арқылы өтеді. Үміткерлер тестілеуден 12 қазанда өте алады.
Келесі кезеңдердің мерзімдері – эссе жазу, жобаларды таныстыру, құзыреттілікті бағалау, сараптамалық комиссияда әңгімелесу және Ұлттық комиссияда қатысушылардың кандидатураларын қарау туралы біз Pkrezerv.kz сайтында, Фейсбуктегі «ҚР Мемлекеттік қызмет істері агенттігі және Президенттік жастар резерві» парақшаларында хабарлайтын боламыз. Барлық қатысушыларға сәттілік тілеймін!
Анар ЖАЙЫЛҒАНОВА,
Қазақстан Республикасы Мемлекеттік қызмет
істері агенттігінің басшысы.
