2019 жылдың қыркүйегінде Степногорск қалалық прокуратурасына осы аумақта орналасқан түзеу мекемесінде жазасын өтеп жатқан сотталғандардың бірінің әкесі мекеме қызметкерінің заңсыз әрекеттеріне шағымданып келді.
Арыз берушінің айтуынша, 2019 жылдың шілдесінде ұлының өтініші бойынша ол түзеу мекемесінде баласына қолайлы жағдайлар жасаймын деп уәде еткен мекеме қызметкерінің «QIWI» электрондық әмиянына 400 мың теңге ақша аударған.
Қала прокуратурасы осы жайды тексеруді сыбайлас жемқорлыққа қарсы қызметке тапсырды. Тексеру барысында түзеу мекемесі қызметкерінің ақша алғандығы расталды.
2020 жылдың 21 қаңтарында Степногорск қалалық соты азамат К.-ні Қылмыстық Кодекстің 366-бабында қарастырылған пара алу қылмысына барғаны үшін кінәлі деп тауып, оған 12 миллион теңге айыппұл салуға және мемлекеттік қызмет лауазымдарын атқару құқығынан өмір бойы айыруға шешім шығарды. Сондай-ақ, ол «әділет майоры» шенінен де айырылды. Үкім заңды күшіне енді.
Ақмола облысы прокуратурасының баспасөз қызметі.
