2020 жылдың 1 қаңтарынан бастап Еуразиялық экономикалық комиссия Кеңесінің 2017 жылғы 23 маусымдағы №40 шешімімен қабылданған Еуразиялық экономикалық одақтың «Өрт қауіпсіздігін қамтамасыз ету және өрт сөндіру құралдарына қойылатын талаптар туралы» техникалық регламенті (ЕАЭО ТР 043/2017)» күшіне енді.
ЕАЭО Техникалық регламенті өрттің пайда болу қауіпін болдырмау, төмендету, әрі қарай өршуін шектеу және қауіпті факторлардың таралуын болдырмау, өрт сөндіру, адамдарды құтқару, олардың өмірі мен денсаулығын, мүліктері және қоршаған ортаны өрттен қорғау үшін, сондай-ақ өрт салдарынан зиян келтіру және залал келтіру қауіпін азайту үшін қолданылады. Техникалық регламент Еуразиялық экономикалық одаққа мүше мемлекеттердің аумақтарында қолдану және орындау үшін міндетті болып табылады әрі мүше мемлекеттердің аумақтарында олардың еркін қозғалысын қамтамасыз ету талаптарын белгілейді.
Азаматтардың, жеке кәсіпкерлердің және меншік нысанына қарамастан, барлық ұйымдар мен кәсіпорындар басшыларының осы Техникалық регламенттің талаптарын қолдануы өрттің туындау қауіпін болдырмауға және төмендетуге мүмкіндік береді. Мұндағы мақсат Техникалық регламенттің талаптарын басшылыққа ала отырып, өрт қауіпсіздігін қамтамасыз ету және өрт сөндіру құралдарын дайындаудағы қатаң талаптарды қамтамасыз ету, осы арқылы нысандарды өрттен қорғау жағдайын жақсарту болып табылады.
Улықбек МИРХАКИМОВ,
ҚР Техникалық реттеу және метрология комитеті
Ақмола облысы бойынша департаментінің жетекші маманы.
