Қазақстан Республикасы Президентінің 2016 жылғы 5 ақпандағы №190 Жарлығын орындау мақсатында 2021 жылғы 12 ақпан күні сағат 11.00-де Ақмола облысының әкімі Ермек Маржықпаевтың 2020 жылғы жұмыс қорытындылары және 2021 жылға арналған міндеттер туралы халыққа есеп беру кездесуі өтеді.
Халық арасында коронавирус жұқпасының таралуына жол бермеу үшін өңір басшысының есебі онлайн-форматта «KOKSHE» телеарнасының тікелей эфирінде көрсетілетін болады. Сондай-ақ, стрим @ermek_marzhyqpaev, @Aqmolaakimdigi инстаграм аккаунттарында; YouTube арнасында @Aqmolaakimdigi және fb/Aqmolaakimdigi, fb/ermek.marzhyqpaev фейсбук парақтарында қолжетімді болады. Ұсыныстар мен ескертулерді жинауға арналған жәшіктер аймағымыздың аудандары мен қалалары әкімдері аппараттарының барлық ғимараттарында, сонымен қатар, облыс әкімдігінің ғимаратында (Көкшетау қ., Абай көшесі, 83) орнатылған.
Аймақ басшысына сұрақтарды akim@aqmola.gov.kz электрондық мекен-жайға, Facebook және Instagram әлеуметтік желілерінде #ЕрмекМаржықпаевқасұрақ хэштэгімен белгілеу арқылы, Telegram-бот-@Ikomek109Aqmola_bot-қа жазып, бейне сұрақтарды WhatsApp +77751030068 нөміріне жолдап немесе 109 (Ақмола облысының тұрғындары үшін) телефон нөміріне қоңырау соғу арқылы жолдауға болады.
